Þessi bjór er jólabjór frá litlu dönsku brugghúsi í Hróarskeldu.  Bjórinn er bruggaður með enskt sterköl sem fyrirmynd. Samkvæmt miðanum á flöskunni er þetta öl kryddað með hunangi, múskati og kanil.  Mér fannst þessi lýsing lofa góðu og greip því eina flösku með heim. Fyrst þegar ég smakkaði þennan bjór 2005 varð ég fyrir miklum vonbrigðum og gaf honum 2 krúsir, nú smakkaði ég hann aftur 2008 og þá er eins og um allt annan bjór sé að ræða.  Nú finn ég heilmikið krydd bæði í nefi og á tungu...negull, kanill og múskat.  Gríðarlega skemmtilegt að finna svona jóla jóla í bjór.  Þetta er svo annars mildur bjór með góða fyllingu og ljúfum undirtón.  Get vel mælt með þessum karli í ár amk því líklega er erfitt að finna eins jólalegan bjór.