Hér hélt ég að ég væri að fara fá mér svona klassískan hveitibjór af belgískri fyrirmynd á borð við t.d. Hoegaarden eða álíka.  Líklega var það nafnið sem var að villa um fyrir mér, blanch er nefnilega oft notað yfir hveitibjóra sem eru oft sagðir vera hvítir.  Það fer þó ekki milli mála, strax og maður opnar kauða þá mætir manni grösugur, jurtakeimur en ekki hefðbundinn hveitibjórskeimur.  Í glasi er þó um mattan bjór að ræða, eða svona allt að því, falleg froða myndast svo ofan á.  Í munni er svo um mjög þægilegan bjór að ræða með miklum keim af humlum, grösum og ögn pínu sætu sem þó varla greinist.  Maltið kemur mjúklega inn og sopinn verður fullur og þægilegur.  Já þetta er sko aldeilis ekki hveitibjór heldur þessi líka þrusu lager.  Já þennan mun ég sko prófa aftur