Fuller´s er breskt brugghús sem er að gera góða hluti.  Þeir brugga nokkuð gott úrval af bresku öli og lager.  Afar vandaður bjór og fullkomið fyrir þá sem fíla enska ölið.  Fullers Vintage Ale er flaggskipið þeirra.  Þetta er árgangsöl sem er breytilegt frá ári til árs.  Afar góður til geymslu og batnar bara með árunum.  Í þessum karli er þrímaltað bygg og klassískir Fullers og Goldings humlar sem gæða bjórin beiskju og lífi.  Hann er vínlegur í nefi og minnir á koníak.  Í munni er mikill þróttur, beiskja er þó ekki að fara með þetta því ristað sætt maltið kemur sterkt inn á móti.  Hann er afar fullur í munn og mjúkur.  Eftirbragð er dásamlegt með ristuðu malti og karamellu.  Þennan þarf maður að smakka árlega held ég svei mér þá.