Þessi karl kemur úr svo kallaðri Past Masters línu Fullers sem eru bjórar bruggaðir eftir gömlum næstum gleymdum uppskriftum brugghússins.  Past Masters XX Strong Ale er virkilega vandaður bjór. Í nefi er vanilla, hunang, humlar og piputóbak. Í munni er hann mikill, þéttur, vel humlaður, ögn hunang í bakgrunni og mikið ristað malt sem gefur þægilegan sætutón. Minnir um
margt á amerískan double IPA en auðvitað vantar nokkuð uppá. Maður verður áfengisins var án þess að að trufli heldur gefur það notalegan hita um skrokk og sál. Sopinn fjarar svo út í sætan þéttan maltkeim með dálítilli beiskju í bland.  Þetta er virkilega góður og öflugur bjór.