Fyrsti hveitibjór Íslands kemur frá Ölvisholti.  Um er að ræða fallegan kristaltæran síaðan hveitibjór með fína mynduga froðu.  Í nefi má finna ögn perur...lofar góðu.  Í munni skortir þó eitthvað, hann minnir ekki mikið á ale og það vantar að mínu mati eitthvað "fútt" í karlinn, t.d. ávaxtakeiminn sem oft má finna í hveitibjór.  Engu að síður er þetta afar þægilegur bjór, mildur, léttskrokka og afar svalandi.  Eftirbragð varir skammt.  Eins og ég segi ljómandi góður "session" en mætti vera ögn flóknari samsetning.  Hentar vel á sólpallinum, yfir grillinu eða með t.d. sushi, fiskmeti eða fersku sallati.  Sé t.d. fyrir mér sallat með ljúfum fetaosti, ólifum, klettasallati, kapers ofl djúsí.  Einfalt, ef svala skal þorsta í bjór, þá er það bara þessi sem kemur til greina.