Þar sem ég var staddur á Oktoberfest þá var kannski ekki ofarlega í huga að drekka nokkuð annað en oktoberfestbjór þann sem stendur mönnum til boða.  Hins vegar hafði ég lengi vel haft augastað á þessum rómaða hveitikarli og ég sé ekki eftir að hafa látið til leiðast, þetta er magnaður weissbier. Í glasi er þetta ægifagur bjór, gulhvítur og mattur með fallegan froðuhatt í glæsilegu glasi sínu.  Bjórinn ilmar eins og hveitibjór með sætum frúttkeim og krydduðum perum og ilmvatni.  Á tungu er þetta sér í lagi ferskur bjór með fullt af perum ásamt sítrónu/engifer forgrunni.  Fjarar út með löngu eftirbragði með grænum eplum.  Þessi gríðarlega svalandi hveitibjór getur bara ekki klikkað.