Þetta er snilldar brugghús, heimasíðan ber þess merki að bruggararnir eru dálítið á flippuðu nótunum og hugsa út fyrir rammann.  Bjór þeirra ber þess einnig merki, því hann er óhefðbundinn og einstakur.  Ég hef áður smakkað Horn Dog Barley Wine og Double Dog Double Pale.   Þessi karl er rauðbrúnn í glasi með netta létta froðu.  Í nefi er mikið að gerast, rúsínur, sveskjur, og mikill sætur keimur og hressandi beiskja.  Í munni er þetta mjög mikill bjór með mikinn skrokk og notalega mýkt.  Sætur á tungu með vínlegum blæ og sítrus.  Karamella og smá lakkrís en þó ekki mikið og svo beiskir brakandi humlar og gríðarlega gott jafnvægi við brennt maltið.  Mjög vandaður bjór og heilsteyptur með eftirbragð sem undirstrika gæðin.  Mæli klárlega með þessum fyrir IPA unnendur