Enn einn frá þessu bráðskemtilega ameríska brugghúsi. Pale ale er það að þessu sinni.  Þetta er fellegur bjór, tær, rauðbrúnn og fínn með fallega froðu.  Humlar eru áberandi í nefi, beiskir og blómstrandi.  Ögn sítrus en einnig sætur keimur af korninu.  Í munni er eins og við var að búast um mikinn bjór að ræða.  Þéttur og gefur góða fyllingu með beiskum Cascade humlum sem eins og menn kannski þekkja minnir dálítið á Campari (eyrnamergur).  Það er mikil mýkt og þessum bjór og beiskjan er alls ekki yfirþyrmandi því maltið vegur vel á móti þó svo að lítil sæta sé til staðar.  Sítrus og ýmsir skemmtilegir bragðtónar í þægilegu eftirbragðinu.  Róandi og notalegur bjór sem vel er hægt að mæla með fyrir menn sem ekki alveg þora í fullkomna humlaupplifun hjá hinum fljúgandi hundi.