Einstök er dálítið spes brugghús.  Um er að ræða ameríska hugmynd þriggja manna sem ákváðu að brugga bjór úr besta fáanlega vatni veraldar.  Þeir duttu niður á Ísland og settu sig í samband við Víking brugghús.  Þeir hófu svo samvinnu með Baldri bruggmeistara Víkings og fljótlega fóru að myndast hugmyndir af bjór.  Pale ale er einn af nokkrum bjórum sem úr þessari samvinnu kom og mun fást víðs vegar um heiminn sem og á Íslandi innan skamms.  Það má til gamans nefna að undirritaður m.a. var fenginn  í að smakka til þessa bjóra á tilraunastigi .  Útkoman er bara nokkuð góð.  Fallegur og tær í glasi með sætt malt í nefi,brakandi humlum og snefil af gersvepp.  Í munni mildur, þægilegur og ljúfur.  Humlar koma vel fram en langt frá því að vera of beiskir.  Maltaður karamellu bakgrunnur og ljúft eftirbragð.  Frábært öl fyrir alla Íslendinga