Chimay Tripel er eitt af 3 sköpunarverkum Chimay klaustursins. Eins og hinir tveir þá er þetta trappist öl eða ósvikinn munnkabjór, hann er ljós að lit og mattur og í glasi skartar hann fínni þéttri og dúna mjúkri froðu.  Öl þetta gælir við nefið með þéttri ávaxtaríkri lykt sinni og svo fá bragðlaukarnir einnig sinn skammt, því hér er bragðmikill bjór á ferð með nettum humlum, hnetum  og svo þetta einkennandi frútt öl bragð sem skín í gegn þó dauft sé.  Góð fylling mjúkur í munn og gosríkur.  Þetta er mikill bjór með sterkan karakter en þó léttur og ekki yfirþyrmandi.  Svipar dálítið til Leffe Blonde þó græna eplið sé fjarverandi.  Sem og með aðra trappist bjóra þá gengur Chimay hvítur vel með eðalostum.