Þetta er án efa mikill bjór með rosalegt bragð.  Í nefi má greina mikla humla í bland við smá vodkakeim og kannski smá karamellu ef maður er "open minded".  Í munni má finna mikla fyllingu sem þó eyðist fljótt og þynnist upp.  Það er ekkert til sparað með alkóhílið í þennan kall því við erum að tala um 10% og ekkert minna.  Í bragði má vel greina vínandann sem gefur bjórnum ögn sherry fílíng en svo koma massífir humlarnir inn sem yfirgnæfa allt annað.  Hver sopi fjarar svo út með löngu og ljúfu eftirbragði sem minnir á efirbragðið af grænum eplum.  Í heildina er þetta mikill bjór sem hentar ágætlega sem "fyrir háttinn sopi" en maður þarf að vera tilbúinn í að takast á við villidýr.  Ég er persónulega meira fyrir ögn mildari og rólegri bjór.