Þessi bjór var bruggaður fyrst í tilefni 125 ára afmæli Carslbergs en brugghúsið sem var stofnað árið 1847 var fyrsta brugghúsið til að einangra lager gersveppinn S. carlsbergensis og jafnframt fyrstir til að brugga lager í Norður Evrópu.  Bjór þessi þótti það góður að hann er bruggaður enn þann dag í dag.  Þetta er dökkur bjór í glasi með ríkulega humallykt og ögn koníak.  Þetta er bragðsterkur lager bruggaður með hinn gamla vínarlager stíl sem fyrirmynd, en sá stíll má rekja uppruna sinn til 1840.  Það er góð fylling í sopanum og rífur dálítið í kinnar.  Ögn rammur með sterka humla og hnetukennt eftirbragð.  Carlsberg 47 er fínn valmöguleiki á köldu vetrarkvöldi.