Carsberg Christmas Ale er einn af tveim jólabjórum frá Carlsberg þetta árið og er að gerðinni öl ólíkt Carsl Jul af sem er lager.   Þetta er svartur bjór með rauðum jólablæ og ilmar af lakkrís, humlum og malti sem minnir ögn á malt og appelsínblöndu okkar íslendinga.  Þetta er mikið öl, þétt og fyrirferðamikið á tungu og óskaplega mjúkt og minnir á silkidúk sem breiðist yfir bragðlaukana.  Lakkrís má finna í bragði auk þess sem léttir humlar og ögn sætt malt setja svip sinn á heildarmyndina.  Ennfremur má finna í bakgrunni eitthvað sem minnir á píputóbak í sætari kantinum - jólatóbakið hans afa?  Þetta er ekki reykt bragð, alls ekki, heldur meira svona notalegur aukakeimur.

Þetta öl er bara hinn ljúfasti hyggebjór og get ég alveg mælt með því.