Smakkaði þennan á dálítið flottum pöbb í New York, Rattl N' Hum.  Virkilega gott úrval bjórs og virkilega skemmtilegur "ofhlaðinn" pöbb.  Ég þekki lítið til þessa brugghús en ákvað að fá mér eitthvað annað en Imperial IPA.  Bjórinn er fallegur í glasi, svartur með fallega froðu.  Í nefi má finna brennt malt og súkkulaði og kannski kaffi ef maður er í stuði.  Í munni er um mildan og ljúfan bjór að ræða, sætt malt og humlar alveg fjarverandi.  Kaffið er dálítið áberandi sem svo sem er markmið bjórsins en svo kemur ljúfur súkkulaðikeimur með og ég er ekki frá því að vanilla luri þarna einhvers staðar.  Hinn fínasti stout.