Ég smakkaði þennan fyrir rúmu ári síðan og gleymdi alltaf að skrifa um hann.  'Eg smakkaði hann því aftur í dag (4.5.2009) til að skrifa hann hérna inn.  Um er að ræða bjór af gerðinni imperial stout sem eru kröftugir og oft bragðbættir stout bjórar í sætari kanntinum.  Þessi er alveg kolsvartur í glasi með þykka ljósbrúna froðu.  Lyktin er sæt, það er létt ristað malt og sætir þurrkaðir ávextir.  Í munni er um gríðarlega mikinn og ljúfan bjór að ræða sem þarfnast athygli hvers einasta bragðlauks.  Fylling er rosaleg, alkóhól vel falið og humlar rétt aðeins lyfta undir bjórinn og forða honum frá því að vera væminn.  Hann er sætur en ristað kaffi og dökkt súkkulaði gera hann ögn bitran.  Já svakalega skemmtilegur bjór og með betri státum sem ég hef smakkað.  Ég mæli með þessum með konfekti eða franskri súkkulaðiköku og jafnvel vanilluís með heitri súkkulaðisósu umm klikkar ekki.