Þá er það enn einn IPA í safnið.  Já hin danska túlkun á IPA er algjörlega að slá í geng hjá mér svei mér þá. Þessi er gylltur og fallegur í glasi með meðal froðu og í nefi er þetta dálítið kryddaður bjór með ferskum humalkeim og ögn sítrus (líklega frá amarillo humlunum). Þetta er annars bragðmikill og fullur bjór með spriklandi beiskju. Gómsætir og mildir humlar sem tóna vel við sætt maltið. Gríðarlega gott eftirbragð. Hefðbundinn IPA með bitrum humlum sem þó eru ekkert yfirgnæfandi, þurr á tungu með grapealdinn keim.  Já það er orðið óhætt að segja að Danir hafa náð fullkomnun í bruggun IPA stílsins.