Hér er kominn jólabjór frá Brøckhouse sem fór reyndar á hausinn fyrir skömmu ef ég man rétt.  Menn hafa greinilega fundið leið út úr krísunni eða einhver annar hefur tekið yfir framleiðsluna.  En að bjórnum, þetta er dimmrauður og tær bjór með mikinn fallegan froðuhaus.  Í nefi grösugur, með nettum humalkeim sem klárlega eru af þýskum uppruna. Í munni er um mjög léttan og "lítinn" bjór að ræða.  Fylling er í lágmarki, hann er létt kolsýrður og með stutt eftirbragð.  Í munni er mjög lítið að finna, með góðu móti má greina ögn kaffikeim og dökkt súkkulaði en það er þó varla. Svo er einhver léttristaður eða brenndur keimur.sem gerir þó dálítið fyrir bjórinn annars er um mjög lítt spennandi jólabjór að ræða.  Mæli ekki með honum og fá mér hann ekki aftur.