Nørrebro Bryghus er nýja uppáhalds brugghúsið mitt.  Ég heimsótti það um daginn og komst að því að þeir brugga líklega besta bjór sem Danir hafa uppá að bjóða.  Þeir brugga um 15 tegundir úr ýmsum áttum og allir serveraðir af krana.  Þrír af þessum bjórum eru nú komnir á flöskur og er Bombay Pale Ale einn þeirra.  Bjór þessi kom mér verulega á óvart og ég held ég geti með góðu móti sagt að hér sé besti bjór sem Danir bjóða uppá á flösku.  Í nefi má finna hreinan blómlegan og sætan keim með apríkósum og grape.  Í munni liggur sopinn vel.  Mjúkur og gosríkur og pínu bitur með grape aldin og blómlegan karakter.  Bjórinn endar svo heimsókn sína með þægilegum og ljúfum eftirleik með humlum og kaffi sem varir lengi en endar svo í sætum maltkeim.