Ákvað að prófa einn bandarískan til tilbreytingar en bandarísk mikrobrugghús er rómuð fyrir góðan bjór.  Hér mætir manni þétt og mikil lykt, ögn sæt og svo dökk. Í munni er ekkert sem tengir nefið við.  Svakalega bragðmikill bjór og sér í lagi beiskur í munn og í raun yfirþyrmandi.  Alkóhól er greinanlegt.  Já þetta er í raun allt of öflugur bjór fyrir minn smekk og ég verð að segja að hann bætist í hóp þeirra örfáu bjóra sem ég hef hellt niður.  Já þessi er einfaldlega með þeim hræðilegri sem ég hef smakkað og þá er maður ekkert að pína þá ofan í sig.  Bjór þessi er álíka beiskur og Fisherman friend en það er eitthvað sem maður vill ekki hafa í bjór heldur í hálstöflum.  Gef þessum hálfa flösku. VARÚÐ!