Brewpub er nýr bruggpöbb í hjarta Kaupmannahafnar.  Þar er hægt að fá góðan bjór beint af kúnni og einnig mat.  Atlantic IPA er fyrsti bjór þeirra sem kemur á flöskur og fæst hann alls ekki víða.  Þetta er myndarlegur bjór í glasi, koparlitaður með mynduga froðu.  Í nefi blómlegur með humlum og ögn plastpokakeim hmm?Annars bragðmikill bjór en mildur með einkennandi IPA bragð. Þægileg beiskja og humlar tróna yfir látlausu sætu maltinu sem þó er vel merkjanlegt og skapar þægilegan bakgrunn. Smá súr-beiskur greip keimur lurir einnig í bakgrunni. Sopanum lýkur svo með ægilega ljúfu eftirbragði sem dekrar við skylningarvitin ummm. Ég verð að gefa þessum bjór góða einkunn og mæla eindregið með honum. Hlakka  einnig til að prófa hann á krana næst þegar ég er í Köben.